Sara Lloyd Evans

Cafodd Sara ei geni a’i magu ar fferm yn Nyffryn Nantlle. Derbyniodd ei haddysg gynradd ac uwchradd yn lleol ac mae bellach yn Gadeirydd Corff Llywodraethol Ysgol Dyffryn Nantlle. Mynychodd Sara Brifysgol Cymru, Aberystwyth ac yna aeth ymlaen i Goleg y Gyfraith Caer.

Mae gan Sara dros 17 mlynedd o brofiad arbenigol ym maes cyfraith teulu ac mae’n gallu rhoi cyngor ar bob agwedd ar y gyfraith deuluol. Mae Sara yn gyfeillgar ac yn hawddgar, ac mae’n sicrhau bod pob cleient yn derbyn gwasanaeth wedi’i deilwra’n benodol iddynt. Mae ystod ei  chleientiaid yn amrywiol ac mae Sara yn cynghori’n rheolaidd unigolion o werth net uchel.

Oherwydd ei chefndir, mae gan Sara ddiddordeb personol mewn materion amaethyddol a ffermio mewn achosion ysgariad a chwalu perthynas. Mae ei chefndir yn sicrhau ei bod yn gallu gweld y darlun ehangach wrth ddelio ag achosion o’r fath.

Mae Sara yn cael ei chyfarwyddo’n rheolaidd ar faterion cymhleth o dan Ddeddf Plant ac mae’n cynrychioli neiniau a theidiau a gofalwyr maeth mewn materion Gwarcheidiaeth Arbennig.

Bydd Sara yn gweithio’n agos gyda Shaun, gan gynnig gwasanaethau diogelu cyfoeth, gan gynnwys cytundebau cyn ac ar ôl priodas, cytundebau cyd-fyw a datrys anghydfodau rhwng partneriaid di-briod.

Mae ymarfer Sara wedi ymestyn i achosion etifeddiaeth cynhenus ac i hawliadau o dan Ddeddf Etifeddiaeth (Darpariaeth ar gyfer Teulu ac Dibynyddion) 1975.

Mae gan Sara ddiddordeb brwd mewn diogelu plant ac oedolion, ac mae ganddi brofiad o gynghori unigolion ac asiantaethau ar faterion diogelu. Mae ganddi hefyd brofiad o ddelio ag anghydfodau rhwng atwrneiod ac achosion o’r Llys Gwarchodaeth sy’n destun anghydfod.

Cymhwysodd Sara fel Cyfryngwr Sifil ym mis Chwefror 2021 ac mae bob amser yn awyddus i archwilio dulliau amgen o ddatrys anghydfodau i unigolion.

Y tu allan i’w gwaith, mae Sara yn brysur ar fferm y teulu yn gofalu am y ceffylau a’r anifeiliaid. Mae Doti, y cocker spaniel, yn cadw’r teulu’n brysur! Mae Sara yn mwynhau byw yn Eryri ac yn caru cerdded y mynyddoedd a threulio amser ar y bwrdd padlo ar y llynnoedd lleol amrywiol.